أرشيف ملتقى أهل الحديث - 3

[هل هذا البيت فيه خطأ عقدي]

ـ[أبو ناصر المكي]ــــــــ[23 - 08 - 10, 04:27 ص]ـ

السلام عليكم

أنقل لكم هذه القصيدة النبطية لأحد الإخوة الذين طالبووا بإسقاط الحد عن أحد أبناء قبيلته , ولفت نظري هذا البيت ..

بجاه ربي وبجاه الرسل والمسلمون ... نطلب رجال تقدر جاه طلابها

وهذه هي القصيدة ...

من اروع قصائد الشعر النبطية – في هذا الخصوص – قصيدة للشاعر سيف ابن كليفيخ الجروي القحطاني

بمناسبة: جاهيه من قحطان على سبيع بشان قضية قتل

، وتم العفو عن القاتل بعد القاء هذه القصده في ساحة الجاهية بحضور القبيلتين

ياسبيع ياهل الثلاث الي بها تعرفون ... واهل البخوت الكبار الي تسمابها
واهل البشوت الوساع الي لها تلبسون ... اللي تجمل وتذري من تذرا بها
ياسبيع يالي على صم الرمك تحتمون ... البل بشلف يفض الاراس مضرابها
ياسبيع يلي على وقت العسر تكرمون .... ياللي على المصراعين تفتح ابوابها
ياسبيع يالي بتاريخ العرب تذكرون ... تحكي التواريخ عنكم ونتحاكابها
ياسبيع لاكثرت الردات ماتهزمون ... لاصاحت المحصنات وشقة اجيابها
ياسبيع ياهل الرماح الي تفض المتون ... اهل عزوة ماتخجل من تعزوابها
ياسبيع ياللي على سلم شرف تصعدون ... العود يرقا بها والغمر يرقابها
ياسبيع ياهل الفخر من حقكم تفخرون ... ولولا صدوق العبارة مانطقنابها
والله لولا اكتساب المدح ماتمدحون .... الاقول بعد الفعول اموت واحيابها
عليكم البيض ننشرها وتستاهلون .... والبيض لسبيع حاضرها وغيابها
ياللي بنيتوا خيام العفو تستقبلون ... جتكم قبايل بنو قحطان واصحابها
قبايل يطلبون الله ثم يطلبون ... ذبيحة ربطت في حوش قصابها
بجاه ربي وبجاه الرسل والمسلمون ... نطلب رجال تقدر جاه طلابها
عفوا عساكم نهار البعث تستبعثون ... في زمرة الانبياء والرسل واصحابها
ياسبيع جينا لكم نمشي على ماتبون ... بعد بلتنا البلاوي وابتلينابها
حنا اللحم وانتم السكين والكون كون ... كانت وبانت وحنا مادرينابها
من غدر الايام لانسلم ولاتسلمون ... بقعا تلف وتدور وتفتل اشنابها
وحنا عن الغيب لانعلم ولاتعلمون ... والدهر فسر احلام ماحلمنا بها
واليوم جينا وبكرة جعلكم ماتجون ... تشكون من نزعة الشيطان واسبابها
والنفس احانت وادانتها كبار الديون ... وابليس لشر وداها ولا جابها
تخضع تحت سيف الله حديد السنون ... اما تعشابها والا تغدابها
تسامحوا واعتقوها جعلكم تعتقون ... في ساعة كل نفس تعرف احسابها
وصلوا على اللي بنور هدايته تهتدون ... نبينا اللي فتح مكة وصلى بها
اللي رفع راية الاسلام للمسلمون ... واهدم وهدم بيوت الشرك واحزابها

ـ[أبو سليمان الجندى الأثرى]ــــــــ[23 - 08 - 10, 07:09 ص]ـ
إذا كان الباء للقسم , بجاه الرسول صلى الله عليه وسلم , و جاه المسلمون ,

فلايجوز الحلف و القسم إلا بالله!!

بارك الله فيكم

ـ[أم محمد]ــــــــ[23 - 08 - 10, 07:10 ص]ـ
و عليكم السلام
يمكنك نقل هذه الجملة (هل يجوز التوسل بجاه النبي موقع الشيخ ابن باز) في google ستجد الجواب إن شاء الله

ـ[أبو ناصر المكي]ــــــــ[24 - 08 - 10, 04:27 م]ـ
بارك الله فيكم