وإذا فيه مسجد فهو مسجد صغير مبني من القش كانت أحيانا تأكله البقرة من الجوع .. والأمام ما يقرأ الفاتحه .. والناس عراة وهناك الناس ما تلقى شيء تاكله .. الوجبه عندهم (السيما) عبارة عن ذره.
أذكر مره وأنا مع عيالي شفنا ولد في القرية فرحان قلنا له: وش اللي يفرحك؟ قال: إن أمي بتطبخ لي اليوم سمك .. سألت المترجمه لي: هذا سمك الزوري ... وهي وجبه يأكلونها كل ثلاث أشهر ويفرحون فيها وكان اليوم اللي يأكلونه فيه يوم عيد.
استمرينا في جمهورية ملاوي ثم رحلنا الى أربعين دولة في أفريقيا وبنينا فيها المساجد والمراكز ودور الأيتام والمستوصفات وكله بفضل الله ثم المحسنين.
س: كيف كانت حياتكم؟
المصاعب والأشياء اللي شفناها ما تروح عن بالنا الواحد لما يشوف بعينه غير ... ابو مصعب راح بأيام مجاعة وهو لابس دشداشه .. شافته بنت صغيره سألته: أنت عربي؟ وينكم " هذم المجاعه جنت علينا وأهلكتنا .. أمي ماتت من الجوع وأبوي راح يدور لنا أكل وإلى الحين ما رجع واضطريت أني أسلك طريق الرذيله عشان يعيش إخواني الصغار ويحز في نفسي أوصل الى هذا المستوى أبيك تبلغ المسلمين هناك وتقول لهم إننا أمانة في رقبتهم .. ما قدرت أحافظ على شرفي بسبب الجوع وأرجوك وصل هذي الرسالة حق أهلك إن إحنا أمانة وأنا خايفه على أخواتي اللي حولي يوصلون هذا المستوى.
... أبو صهيب في سراليون تاه في الطريق قابل شاب صغير سأله عن إسمه؟ قال: إسمي عثمان , سأله إذا كان يصلي وكم مره في اليوم ,, قال: على مزاجي , قال: وشلون على مزاجك؟ قال: وقت ما أصلي أصلي ,, وسأله كيف صلاتم ,, فصار يأشر بإشارة الصليب وقال إنه تعلم الصلاة في مدرسة القديس جورج ... وين شبابنا عنهم؟ الشباب المسلم ضاع بسبب انتشار المبشرين من النصارى .....
شفنا الجوع والفقر وتأثرنا لكن إنتي تتأثرين ... جويريه لما قالت عن ولدها إنه مات وما عندها كفن .... كان أبو مصعب ماشي يشوف حرمه شايله طفلها عينها على الغتره وسألته ما يخالف تعطيني غترتك؟ سألها ليش؟ قالت: أمس دفنت طفلي وأبي أدفم هذي البنت وما عندي لها كفن ....
س: ما أثر معيشتكم هذة على أبنائكم؟
أولادي يظلون متأثرين ثلاث أرباع السنة وأبوهم ما هو معاهم وأنا اللي مربيتهم طوال السنه وإذا جاء الصيف نروح لأفريقيا وهناك يشوفون عيالنا الأوضاع المأساويه أذكر لكم أيام المجاعة .. في شمال كينيا شفنا كل شيء الطفل اللي ينازع من الملاريا والأم اللي تنزف بعد الولاده والهياكل العظمية .. أذكر قصة امراة صومالية كان عندها خير كثير وهي في طريقها تمشي مع النازحين يموتون عيالها قدامها وتتركهم وتمشي وبالأخير تسكن تسكن في كوخ صغير جلدها كان مبين أنها كانت في صحه وكانت تقول: كنت عايشه في غنى وكان عندي إبل ومواشي يا حسرتي على عيالي ماتوا قدامي.
قصة الطفل (صديق كنان) شفناه أيام المجاعه كان هيكل كانت أمه تقول: أنقذوه أمس مات أخوه ولا قدرت أساعده. ورفضوا طلبها وقالوا فيه ناس أولى منه لكن أبو صهيب عوره قلبه عليه .... وطلب منهم يسجلونه حطوا له ألأكل عباره عن (طحين وماء وحليب وزيت) عطوه الوجبه وعاش وصورته عندي وهو هيكل بيموت محتفظه فيها في غرفتي وبعد عشر سنوات في رمضان اتصلوا علينا يقولون تذكرون الطفل صديق كنان؟ هذه الصورة اللي شفتوها أيام المجاعه الولد الحين صار عمره 12 سنه وحافظ عشرة أجزاء من القرآن ويتكلم العربية ومحافظ على الصلاة وطموحه يكون داعية ... هذا الطفل وش اللي أنقذه؟ بس 15 فلس عشان كذا لا تحقر شيء وتبرعوا لأخوانكم هناك تنقذون حياة آلاف ... وهالمراكز والمعاهد والمستوصفات والناس اللي أسلموا واللي فهموا دينهم كل هذول تأخذ أجرهم إن شاء الله هالمرأه المحسنه اللي تبني مسجد في دوله محتاجه وصار بسببها كل هذا الخير ما شاء الله.
زكاة أثرياء المسلمين
¥