هل أنت متديّن محترف أم مجرّد هاوي؟!
ـ[أحمد بن أسامة المصري]ــــــــ[19 - 02 - 07, 03:10 م]ـ
عايز كل واحد يقرأ الكلام ده ينزّله على نفسه بلا إسقاط على الآخرين وإنما يكون كل همّك ..... أنا ............... أنا هاستفيد إيه فعلا من الكلام ده؟
عشان الشيطان لما بيلاحظ إنك ممكن تستفيد –دينياً- من أي موضوع بيشوّش عليك ويخليك تقرأ الموضوع بأي نيّة تانية المهم إنها تكون لغير الله.
فاقرأ لله ....... والله هاتحس بفرق ........ يمكن يا أخي مجرى حياتك كلها يتغير بسبب كلمة قرأتها!!!
آسف للمقدمة الطويلة ..... ولكن كان لابد منها عشان أبدأ
لأنه موضوع حياة أو موت!
أقصد حياة أو حياة برضه!!!
لأنها إما حياة في الجنة أو حياة تانية في النار
في ناس هاتقفل الموضوع هنا
Close وريّح دماغك
ايه الغم ده عالصّبح؟!!
وفي ناس هاتقول: تعالى لما نشوف الراجل ده بيبيع ايه؟
إلى هؤلاء .... وهؤلاء فقط أقول:
هناك فرق بين لاعب الكرة المحترف ....... ولاعب الكرة الهاوي
لاعب الكرة المحترف ....... متفرغ للكورة ........ وقته كله كورة ...... بينام بدري عشان يصحى يتمرن كورة .... بياكل أكل معين عشان الكورة ...... متابع لأحدث التمرينات والحركات والترقيصات والتنطيطات و ... و ... و ...
وعشان كدة سعره عالي عند الناس اللي بتقدّر الكورة
طيب ....
والهاوي؟!!
الهاوي مش متفرغ للكورة ...... ممكن يكون لما بيفضى بيلعب كورة ........ مش متابع أحدث التمرينات ....
وبالتالي سعره طبعا مش عالي ...... وممكن يكون مالوش سعر أصلاً.
السؤال هنا:هل أنت متديّن محترف أم متديّن هاوي؟؟؟؟؟؟
ولا مش متديّن أساساً؟!!!
هل أنت متابع لأحدث الأمراض التي تتغلغل بداخل قلبك؟
هل تعالجها؟
هل تحاول حتى؟
هل الدين أهم شيء في يومك؟ ......... ولا لما بتفضى؟ ........... ولا مابتفضاش؟
هل تجاهد عينك البصباصة؟
هل تسمع أصوات أقلام الملكين وهما يكتبان ذنوبك؟
هاتعمل ايه لو واحد صديقك صوّر صحيفة أعمالك 200 نسخة ووزعها على كل الناس اللي حواليك؟
يا ترى سعرك كام عند ربنا؟ سعر المحترف؟؟ ..... ولا سعر الهاوي؟؟ .......... ولا انت اللي عليك فلوس؟؟!!
هل لا زلت تشعر أنك لا تحتاج أن تتوب؟
وللحديث بقية عن كيفية العلاج ان شاء الله .........
ـ[صخر]ــــــــ[19 - 02 - 07, 04:17 م]ـ
جزاك الله خيرا.
ـ[أبو نادر العلزمي]ــــــــ[19 - 02 - 07, 06:09 م]ـ
أحسن الله إليك على هذه الكلمات المليحة.
ـ[عمرو موسى]ــــــــ[19 - 02 - 07, 09:34 م]ـ
فى انتظار البقية
جزاكم الله خيرا
ـ[محمد بن سليمان الجزائري]ــــــــ[19 - 02 - 07, 11:19 م]ـ
بارك الله فيك على الموعظة
ـ[معاذ جمال]ــــــــ[19 - 02 - 07, 11:32 م]ـ
جزاك الله خيرا أيها الأخ الفاضل
فعلا هذا هو الداء العضال الذي يعاني منه اغلبنا نسأل الله السلامة والعافية.
ـ[أبو عبدالعزيز النجدي]ــــــــ[19 - 02 - 07, 11:33 م]ـ
أحسنت وأجدت وأفدت هديت وكفيت ووقيت ...
ـ[أبو سلمى المصرى]ــــــــ[20 - 02 - 07, 12:50 ص]ـ
بارك الله فيك على الموعظة
ـ[أبو عائش وخويلد]ــــــــ[21 - 02 - 07, 01:29 ص]ـ
جزاك الله خيرا أخانا أحمد ابن أسامة المصري.
ـ[حسن كفتة]ــــــــ[21 - 02 - 07, 06:05 ص]ـ
يا عم أحمد ..
لو هتعدل أسلوبك ... و هتكتب بالعربية الفصحي .. حنتابع الموضوع .. و لو استمريت على كدة حنديها close
ـ[أبو الفرج المنصوري]ــــــــ[24 - 02 - 07, 08:13 ص]ـ
يا عم أحمد ..
لو هتعدل أسلوبك ... و هتكتب بالعربية الفصحي .. حنتابع الموضوع .. و لو استمريت على كدة حنديها close
أحسنت يا عم حسن
ـ[أبو زهير المصري]ــــــــ[25 - 02 - 07, 12:56 ص]ـ
إسلوبك جيد يا أخي بارك الله فيك، ونسأل الله العافية والمعافاة.
ـ[أحمد بن أسامة المصري]ــــــــ[02 - 03 - 07, 01:15 ص]ـ
بداية العلاج من كتاب ربنا العليم الخبير بذنوبنا ودواءها