[احذر الامر ******* خطأ يقع فيه الكثير (منقول للفائدة)]
ـ[أبو عبيد السلفي]ــــــــ[25 - 03 - 08, 01:59 م]ـ
بسم الله الرحمن الرحيم
السلام عليكم ورحمة الله وبركاته
الموضوع يختص بأمر ******* الذي كلنا يتعامل معه في اليوم الواحد اكثر من مليون مره ولا احد يعلم ماذا يفعل هذا الامر او يعرف ولكن يعرف بطرقة خاطئه.
لو سألت احد يقوم بعمل ******* للديسك توب او لاي مكان بالجهاز او لماذا تدوس على زر F5 هاتكون الاجابه غربيه جداااااااااااااااا. يقولك اصله بيفرفش الجهاز!!!! او بينعنش الجهاز؟؟؟!!!! او يقولك دا بيفوق الجهاز؟؟ وكمان بيخليه يحمل بسرعة. صح؟ ولا انا غلطان؟
طبعا اجابات غريبة جدا لا تستند الى اى سند علمي او هندسي او حتي منطقي.
اذن ماذا يفعل هذا الامر من الناحية العلميه والهندسية والفعليه, وحتى نعرف الاجابه ونفهم جيدا يجب ان نعود الى الوراء قليلا ...... نرجع حوالى 12سنه ... نرجع لايام وندوز 95 لو حد فاكره او اشتغل عليه اصلا.
ايام وندوز 95 مكانش فيه امر ******* اللي احنا عارفينه اصلا. ودا كان بيعمل مشاكل معانا, ومن الامثله على المشاكل دي انك لو مثلا قمت بنسخ ملف من او الى الديسك توب على سبيل المثال ممكن بعد عملية النسخ ماتشوفش الملف يعني النسخ تم ومع ذلك الملف او الفولدر مش ادامك. فيه ايه فين الملف, وكانت الطريقه الوحيده للتغلب على المشكله دي عشان الملف يظهر انك تقفل الصفحه الليي انت فيها وتفتحها تاني, لييييييييييه؟؟ لان اي صفحه بتتفتح بيتعمل لها عمليه Load يعني تحميل واثناء عمليه الـ Load او التحميل بيظهر من تاني كل مكونات الصفحة بما فيها الملف او الفولدر اللي تم نسخه وماظهرش وبالتالي بيظهر امامنا.
وهو ده كان الحل الوحيد للمشكله ايام وندوز95. وكان في نوع تاني من المشاكل انك مثلا تحط اسطوانه في الدرايف ومايظهرش اسمها او تخرجها وتلاقي اسمها لسه موجود. طب نعمل ايه؟ كنا بنضطر برضه لقفل الصفحه وفتحها من تاني عشان تعمل عملية الـ LOAD لمحتوياتها فبالتالي لو في اي تغيير في المحتويات هايظهر.
وبعدين ظهر وندوز98 ومعاه نفس المشكله. لكن مايكروسوفت حلت المشكله مع الاصدار الثاني من وندوز98 Windows 98 Second Edition انها زودت امر ******* في القوائم عشان المستخدم اللي بيعاني من ان في ملفات او عمليات بتتم ومابيظهرش تأثيرها نعمل لها ******* عشان تظهر وبمعني اوضح ان امر ******* بيعمل عملية Reload اعادة تحميل يعني لمحتويات الصفحة.
وهو ده مربط الفرس, اظن اننا دلوقت قربنا نفهم وظيفة امر ******* الليي كلنا بيألف في تعرفها.
المشكله الاكبر ان امر ******* امر مش خفيف لان عملية اعادة تحميل محتويات الصفحة مش عملية سهلة ومع ذلك تلاحظ ان معظم الناس والجهاز مهنج او بطئ عشان بيعمل حاجه او بيفتح برنامج او بيقتح لعبه عمال يدوس ******* ,*******, طب ليه هو الجهاز ناقص تقل. وبعدين الامر ده موجه للمنطقه اللي انت بتعمل ليها ******* يعني مش هايعمل حاجه مع البرنامج اللي مهنج الجهاز يعني مثلا واحد بيفتح الوورد والبرنامج بيفتح بالعافية تلاقيه عمال يدوس ******* على الديسك توب , طب مال الديسك توب ومال الـ ******* ومال برنامج الوورد يا عم الحج.
وبعدين هو الجهاز ناقص تقل عشان تتقله اكتر بأمر اعادة تحميل محتويات الصفحة.
مشكله كبيرة جدا وقعنا فيها بسبب معدومي الخبرة من مدعي المعرفة بأمور الكمبيوتر والناس مظلومه مش فاهمه وكله مشي وراهم.
الرجاء من كل من قرأ هذا الموضوع ان ينشر المعلومه حتي تعم الفائده
والسلام عليكم ورحمة الله وبركاته
ـ[بن عفان]ــــــــ[26 - 03 - 08, 12:04 ص]ـ
جزاكم الله خيراً
ـ[محمد البيلى]ــــــــ[26 - 03 - 08, 01:08 ص]ـ
أحسنت يا أخى والله.
كنت أتعجب من فعلهم هذا حتى أنى رأيت من يعمل فى صيانة الأجهزة و يفعل هذا.
استخدام أمر ريفرش يكون من أجل إظهار إعادة ترتيب الملفات، تغيير خصائص الفهارس و رؤية نتيجتها و هكذا.
أحسنت أحسن الله إليك.
ـ[محمود الشرقاوي]ــــــــ[26 - 03 - 08, 03:20 ص]ـ
رائع يا استاذ ابا عبيد واسلوبك ساخر وجميل.
انا بصراحة كنت بعمل رفريش بس مش ب f5 علشان الغلط ولكن بالماوس (ابتسامة)
جزاك الله خيرا استفدنا.
ـ[أبو أنس السندي]ــــــــ[26 - 03 - 08, 06:29 ص]ـ
جزاكم الله خيرا.
وياليتك أعدت ترجمة الكلام إلى اللغة العربية (ابتسامة)
وذلك أن من الإخوة من لا يحسن اللهجة المصرية فلا يفهم المقصود من هذا الكلام.
ـ[ماجد العزيزي]ــــــــ[26 - 03 - 08, 09:24 ص]ـ
الله يجزاك الف خير
كنت لما أعمل ******* اسأل نفسي وش الفائدة
وكنت أقنع أغيري وأحاول أن أقنع نفسي بأن الرفريش يعمل نعنشه للجهاز
ولكن اليوم معلومة جديدة وممتازة جدا
فجزاك الله خير
ـ[أبو عبيد السلفي]ــــــــ[26 - 03 - 08, 09:28 ص]ـ
جزاكم الله خيراً
جزانا وإياكم
أحسنت يا أخى والله.
كنت أتعجب من فعلهم هذا حتى أنى رأيت من يعمل فى صيانة الأجهزة و يفعل هذا.
استخدام أمر ريفرش يكون من أجل إظهار إعادة ترتيب الملفات، تغيير خصائص الفهارس و رؤية نتيجتها و هكذا.
أحسنت أحسن الله إليك.
أحسن الله إليك
أعزك الله
رائع يا استاذ ابا عبيد واسلوبك ساخر وجميل.
انا بصراحة كنت بعمل رفريش بس مش ب f5 علشان الغلط ولكن بالماوس (ابتسامة)
جزاك الله خيرا استفدنا.
كتب الله أجرك
جزاكم الله خيرا.
وياليتك أعدت ترجمة الكلام إلى اللغة العربية (ابتسامة)
وذلك أن من الإخوة من لا يحسن اللهجة المصرية فلا يفهم المقصود من هذا الكلام.
جزانا وإياكم
الله يجزاك الف خير
كنت لما أعمل ******* اسأل نفسي وش الفائدة
وكنت أقنع أغيري وأحاول أن أقنع نفسي بأن الرفريش يعمل نعنشه للجهاز
ولكن اليوم معلومة جديدة وممتازة جدا
فجزاك الله خير
جزانا وإياكم
أتمنى أن يستفيد الجميع
¥