[قصيدة الدشرة من الشعر الشعبي الجزائري]
ـ[ابونصرالمازري]ــــــــ[01 - 03 - 10, 12:46 ص]ـ
السلام عليكم أحبتي الكرام
كما أحببت لنفسي من خلال قراءة وجمع الشعر الملحون
أردت أن أقدم هاتين القصيدتين الرائعين كهدية لكل محب مثل
النوع من الشعر الملحون
قصيدة الدشرة من الشعر الشعبي الجزائري اقدمها للاخوة وبخاصة اهل الجزائر
ابقاي على خير يا هذا الدشرة*******لي غاشيها غير فلان و فلان
راني حالف مانولي ذا المرة*********و لو نموت في صحرا عطشان
لحديث تنيفيق و الضحكة الصفرة ******و الصحبة تحيا و تفنى بالقضيان
بلسانو يعطيك قنطار مصرة**********و الحيلة متلبدة تحت البيطان
بالرشوة تلقاه ماشي للعمرة*********و يصلي في البيت لآخر رمضان
و يولي بكلاح و عباية صفرة***********و يعطيها للزور و كلام البهتان
يحلفلك ليمين قداه مرة *************و يحلف بالكعبة و يحلف بالقرآن
و يحرم ... و يحرم لمرا*************و غير يصد عليك تلقى كذبو بان
أبقاي على خير ياهذا الدشرة **********للي يحكمها غير الجاهل و الخوان
تلقى لي ملو غبار السبورة ************للسياسة داخلين بلا سلطان
المرفوعة تاليتها مجرورة*************و العطف يوروه غير لفلان و فلان
و الفعل المجهول مبني على للكسرة*************و اسماء الخمسة يديرو ليهم شان
تلقى المير .... و النايب ..... **************و المجلس تعبان يختل في تعبان
ما تفرز أمي على واحد يقرا**************و لا تفرز صاحي على واحد سكران
كي تسمع لحديثهم عند الهدرة*************تقول أنت لبطال هاذو و الشجعان
لو تعجنهم ما يجو في صاق مرا***************و لو توزنهم ما يوفولك ميزان
انتظر تعليقاتكم الكريمة
ـ[عبد الحق آل أحمد]ــــــــ[01 - 03 - 10, 02:16 م]ـ
اخي الكريم: بوركت ..
وقصيدة أتت على ما في الخاطر!! ..
هل هي من كتابتك؟!
وتبدوا بنفس أهل الجلفة (إبتسامة)!
ـ[عبد الحق آل أحمد]ــــــــ[01 - 03 - 10, 02:25 م]ـ
اقترح أحدهم تكملة و تعديل في قولك:
الفعل المجهول مبني على الكَسرة ... و اسماء الخمسة يديرو ليهم شان
تلقى المير حم. ار و النايب ب. رة ... و المجلس تعبان يختل في تعبان
ـ[أبو سليمان الجسمي]ــــــــ[01 - 03 - 10, 04:32 م]ـ
قصيدة جميلة لكن فيها بعض الكلمات التي لا نعرفها من اللهجة الجزائرية!!
ـ[أبو ضمام الجزائري]ــــــــ[05 - 10 - 10, 03:49 ص]ـ
أقدم لكم هذا الشعر الجزائري ... على منوال ليس الغريب .. لكن بأصالة جزائرية
رائعة الشاعر جلجلي جلول
"شاب الراس"
شاب الراس وذرك تبياض اللحية وياقلبي ماتلانا فى الصغر مقام
صغري كله ضاع من بين أيديا وحتى كبري ذرك يمشي كالمنام
ماوجدت أعوين نديه معايا ولاسبقت عوين نلقاه القدام
سامح في فرضي المكتوب عليا وأنزعك في الضامنة لي بالتقسام
كل أنهار يفوت محسوب عليا وانيا زاهي ماحسبت أحساب أيام
ماشي واعد الآخرة غي بيديا كي نوصل نلقى ذنوبي بالعرام
أي قلبي أجلس بين أيديا وأيا ياقلبي أنعيد عليك أمنام
تخلينى مرتاح في هذا الدنيا وعايش متهني ومابيا تخمام
وعلى غفلة أصبحت طايح فالوطيا بعد أن جسمي طاح ونهدوا لعظام
حضروا ناسي قاع ولحق غاشيا والحبيب ليزورني يخرج تمتام
راحو يجروا لطبيب وجاليا وبعد فحصني قال غير على ليام
حتى واحد مابغى يسمح فيا وطمعوني نبرا وتجدد لعوام
واحد ماشي طامع يسبب ليا ولاخر باغيني نداوي في حمام
واحد قال أدواه ذا عند الأوليا واحد ثاني قال ذا يشفيه الحجام
وأنا يا منالمرض درقوا عينيا ومن الحمى أدقول راني في الحمام
في ركنة مطروح ويرقو فيا مانتحرك مانطيق نرد أسلام
وسهل ربي خفف الموت عليا وأخرجت روحي من الصدر كخيط قيام
خرجت روحي مشات ماترجع ليا وأبقى جسدي مايرد لحد كلام
صبحوا ناسي من فراقي بكايا وأنقلب حوشي من الزقا والحال غيام
ياك أولادي بكاو بالدم عليا وقالوا بعده ماتلا للعين تنام
المازوزي مسكين ماعارف حيا يجري وسط الناس ووجهة بسام
من حاله صديت في قلبي كية غير صغير على تلاثة خصص عام
موالف غير أنبان يدهكل ليا يقعد عندي نلعبه حتى ينام
ومع الخرجة ياك يتشلبط فيا يبغيني نديه وانأيا خدام
كي نرجع نلقاه يتسنى فيا ومانسلك من قصته غير إذا نام
وهاراني صديت وتركت الدنيا وهذا الليلة يا وليدي وين تنام
أم أولادي أرغات في وذني ليا وكثر أرغاها ياك فتتلي لعظام
¥