ـ["زمان الوصل"]ــــــــ[01 - 03 - 2007, 07:27 م]ـ
أخي فصيحيويه
سأضع بين يديك ورقة عمل قمت بإعدادها لطالباتي قد تؤمن المتعة والفائدة اذكرلي رأيك فيها إذا تكرمت وهل هذا النوع من التمارين يساعد على تقوية مهارات الكتابة عن الطلبة
ـ["زمان الوصل"]ــــــــ[01 - 03 - 2007, 07:29 م]ـ
موضوع الكتابة:
عزيزتي الطالبة أمامك الآن مجموعة من القصص الخليجية القطرية رويت من أصحابها باللهجة العامية فعليك قراءة هذه القصص والقيام باستخراج الألفاظ العامية والاستفسار عن معاني هذه المفردات ثم إعادة كتابة القصتين باللغة العربية مراعية عدم الوقوع في خطأ اللهجة والانتباه إلى الأخطاء الإملائية الواردة في القصة وتصحيحها أثناء إعادة الكتابة ومراعاة علامات الترقيم:
القصة الأولى ((الرجل البخيل)):
(صلو على النبي ما يانا وياكم إلا خير لفانا ولفاكم وشر تعدانا وتعداكم , كان هالريال اللي عنده دكان يبيع فيه قماش وكان بخيل وايد ,ما يحتاج يكره أنه يطلع ريال واحد لاحد غيره وكان معروفا بهالشي عند الجميع وكان يستحي من هالصفة وهالنقص لكنه ما يقدر يتخلص ويفتك من هالطبع والكل يقول: فلان زين ب لو يترك هالخصلة الشينه اللي فيه وهي البخل
أما زوجته فكانت كريمه وايد على عكس ريلها وطيبة تحب تساعد وتعطي وفي يوم جاتها حرمة مات ابنها تبي قماش تكفن ابنها فيه قامت زوجة البخيل وبدون علمه وعطتها القماش من الدكان وفي الليل حلم الريال حلم بأن هناك طير فارد جناحيه يظلله وين ما يروح ويحميه من المطر والشمس ولما تيقظ عند الصباح سولف سالفة الحلم على زوجته وقال لها وهو يحاول تفسير حلمه جايز ياحرمه أكون عملت عمل زين وأنا ما أدري به وأخذ يفسر على خاطره وزوجته تسمع له ولين شافته مستانس من هالعمل قالت له:واللي يسلمك لا تعصب علي ولا تحمق وأنا أقولك السبب وقصت عليه سالفة المرة الفقيرة وابنها الميت وحينما سمع الحكاية حمد الله كثيرا ووعد نفسه وزوجته بأن يترك البخل ولا يعود إليه أبدا ,لأنه سبب قلة قيمته بين الناس ولابته وأن هذا المال اللي هو قطعة من القماش اللي عطتها زوجته للفقيرة اللي مات ولدها عشان تكفنه كان مالا حلالا وهو حلال مبصر فيه فالله منحه الثواب وكان سببا في أنه رأى في المنام وتركه للبخل))
القصة الثانية: (البر باليمين)
((صلوا على النبي , ما جاتكم إلا ذيك المرة العاقر واللي ما خلت شي إلا سوته عشان تحمل ولكن بلا فائدة. وفي يوم من الأيام حلفت يمين أنه لو منحها الله بنتا لتزوجها لحمار.
المراد تجلت إراد الله ويابت البنت أخذت البنت تكبر وتكبر مع الأيام ولما صارت عروس في سن الزواج داخل المرأة الوسواس من أن يصيب البنت مكروه من عدم برها بيمينها واتمام نذرها اللي قطعته على نفسها وراحت الأم تسأل المطاوعة ,اهل العلم والمعرفة من الناس عن يمينها ونذرها ,فأجابوها أنها ما لازم كانت تحلف وتنذر بهالشكل نذر الواحد لازم ينذر أو يحلف على شي معقول والحين لازم توفين بنذرك لأنك التزمت به وقطعتيه على نفسج قعدت هالمرة محتارة ما تدري شتسوي هل تترك النذر وما توفيه وعندها تترك البنت لمصيرها بأن يصيبها مكروه أو توفي النذر ,وبينما هي كذلك من الحيرة تذكرت مطوع كانت تعرفه من زمان ولم تسأله بعد وراحت له وسئلته عن النذر
قال لها: بسيطه أنا أفتيك
فقالت له وشلون بسيطة قال إلين أذن المذن وقال:الله أكبر اللي تشوفينه يمشي ويصفر مع الأذان فهو الحمار ولين شفتي امسكيه وزوجيه لبنتك. وراحت الأم ونطرت الأذان لين بدا وراقبت الشارع وحين قال المؤذن الله أبر لمحت ريال يصفر فأسرعت وامسكته وطلبت منه يتزوج بنتها لتوفي النذر وافق الريال وتزوج بنتها وارتحل هو وزوجته وعاشت هالمرة العيوز مرتاحة البال لما أوفت بنذرها وبرت ذمتها
ـ["زمان الوصل"]ــــــــ[01 - 03 - 2007, 08:03 م]ـ
تقوم الطالبة بإعادة صياغة القصة مرة أخرى باللغة العربية وهكذا ويمكن أن تضيف عليها من أسلوبها الخاص لنرى أفضل سرد للقصة بين الطالبات
ما رأيك بهذا التمرين؟ وهل مثل هذه التمارين كفيل بتقوية الطلبة في اللغة واستخدامها؟
ـ["زمان الوصل"]ــــــــ[01 - 03 - 2007, 08:05 م]ـ
وأتمنى أن يتم الرد على سؤالي
كيف أحصل على كتاب الكفايات اللغوية؟ عن طريق الأنترنت
ـ[فصيحويه]ــــــــ[02 - 03 - 2007, 09:38 ص]ـ
¥